fabelblå

Winter wonderland

2012-02-14T13:13:00.000+01:00

Man tager det man haver:
Kamera: Mobiltelefonen
Fotograf: Eldstejenta
Modell: Meg
Location: (Den vesle flekken som kunne vore grasplen dersom ikkje nokon med gravemaskin gav etter for fristelsen til å grave litt. Men dette vert jo effektivt skjult av snøen sjølvsagt, dermed kan me kalle det) Hagen vår

Då nysnøen låg kvit og fin var det tid for ein liten photoshoot i snøen, denne gong med meg som modell og eldstejenta som fotograf.

Kjolen er sydd for vinterbruk, og har god plass til både dobbelt lag ullundertøy og velourkjole under. Ermeribbane er ekstra lange og kan trekkjast godt ned over ei kald hand.

Dette er mitt bidrag til sy-utfordringen "Winter wonderland".
Den er sydd i brun polarfleece og ribb frå S&S, samt bomullsstoff i brunt/turkis frå Panduro.

Nye astronautar!

2012-02-02T23:35:00.001+01:00

Av alle Liandlo-stoffa eg starta opp med var det motivet med astronautar på svart bakgrunn som forsvann først, trur nesten dei var vekke allereie før eg fekk lagt dei inn i nettbutikken...?

Astronautane er eit av mine favorittmotiv, difor gleder det meg stort at akkurat dette motivet kjem i heile 4 nye fargekombinasjonar!

Reknar med at dei er her i veke 7.

(Om du ynskjer å reservere ein meter eller to, send meg ein e-post: fabelblaa@yahoo.no)

Fabelblå har fått facebookside!

2012-01-21T21:10:00.000+01:00

Og sjølvsagt vert det feira med gåvedryss!

Det vert trekt fleire premiar mellom dei som "likar" fabelblå på facebook, og er du ein av vinnarane kan du velge anten ein meter jersey/velour eller eit plagg frå Eplabutikken min.

Nettbutikk lansert!

2012-01-16T23:53:00.002+01:00

Då erklærer eg nettbutikken for opna!

Litt finpuss gjenstår her og der, ting kjem på plass litt etter kvart...

T.o.m 22. januar sender eg alle ordrar fraktfritt!

Nyhet: Eg vert Liandlo-forhandlar!

2012-01-11T22:36:00.003+01:00

Og her er nokre eksempler på kva stoff som kjem i nettbutikken.

Følg med, følg med....!

Julemarked v/Øyrane Torg

2011-12-13T12:08:00.000+01:00

Kameraladaren ligg igjen i Spania så det vert lite bilete her. Men eg syr på både det eine og det andre for tida, for til helga er eg med på julemarked ved Øyrane Torg.

Kom gjerne innom og hels på dersom du er i nærleiken!

Posebukser

2011-12-11T14:26:00.005+01:00

Litt etter litt vert eg ferdig med plagg som skal få vere med på julemarked neste helg. Posebukser vert det nokre av. Dei fyrste er ferdige, fleire står for tur...

Stille og roleg marknadshelg

2011-11-21T10:22:00.002+01:00

Luer i ulike fasongar og størrelsar, sydd av bomullsjersey frå Tiljamiid, Gekko og diverse andre.

Ei heller roleg Haustmesse på laurdag. Selde nokre plagg (tusen takk til dykk som handla!), kjøpte litt småtteri frå andre utstillarar.

Fordelen med å sitje att med mykje varer må jo vere at eg slepp å sy veldig mykje til neste marknadshelg, og kan sy berre dei tinga eg har mest lyst til...?

Snart marknadsdagar...

2011-11-15T22:18:00.000+01:00

Attende i kvardagen søkjer eg å snike meg til så mykje sytid som mogeleg, eg har nemleg meldt meg på heile 4 marknadsdagar no før jul.

Først ut er Haustmesse i regi av Nordhordland husflidslag no på laurdag...

Litt nytt har eg med sjølv om eg det meste av hausten har vore utan symaskin, her er eit lite glimt av ei nysydd bukse med lommer:

Spansk oktober:)

2011-10-25T22:48:00.000+02:00

Her er det framleis kortarma klede som er tingen, sjølv om me kjenner hausten komme krypande...

Veldig deilig å sleppe å tenke på regnklede, ullundertøy og vintersko. Enn så lenge...

Bodyar sydde av bambus/økologisk bomull, eige mønster.

Fint med meitai på tur! Og ein tunika...

2011-10-14T23:05:00.000+02:00

Eg sydde meitai'en då nestminstejenta var bitteliten men den var ingen umiddelbar suksess... No derimot stortrives ho med å sitte i sele på ryggen min når det vert for langt for små føter å gå.

Meitai'en har sjalstroppar, ein stor fordel sidan dei er ganske breie og ikkje gneg seg ned i skuldrene sjølv om jenta etterkvart veg nokre kilo.

Tunikaen, som er så lang at den kanskje heller skal kallast kjole, har både mønster og stoff frå Stoff & Stil.

Desorientert

2011-09-28T09:12:00.001+02:00

Å orientere seg på ny stad er ikkje alltid like lett, spesielt ikkje når ein kan lite av språket... Me har enno ikkje klart å finne ein butikk som sel vaskeklutar, vaskeklutar er ikkje noko særnorsk fenomen, er det vel...?
Men no har eg i alle fall strikka nokon!

Lim kan brukast til så mangt

2011-09-14T23:13:00.000+02:00

Applikasjonen på kortbuksa er rett og slett limt på med skulelim og sydd rundt etterpå. Trass i at etiketten lova at limen lett gjekk vekk i vatn er det framleis nokre små limflekkar på syklisten... Konklusjonen får bli at skulelim ikkje er å anbefale til applikasjonar ;)

Og jepp, me har sommar framleis!

Kortbukse sydd av bomullschambray frå Stoff og Stil, med applikasjon av turkis interlock. Nesten heilt lik som denne som vart gitt som gåve.

Fram frå gløymselen

2011-08-31T18:00:00.001+02:00

Dette settet med body og velourbukse er det no ganske lenge sidan eg sydde, det har lagt til sals i Eplabutikken min ei tid utan å verte seld. Når minstejenta no trengte litt meir klede i str. 80 - så vips! var settet hennar:)

Nevnar i same slengen at siste moglegheit til å handle i Eplabutikken min vert på laurdag, etter det vert den dessverre midlertidig stengt ein periode.

Nattbukse

2011-08-28T20:25:00.000+02:00

Minstejenta trengte ein pyjamas med fot, men eg hadde ikkje så god tid til å sy det akkurat no... Her er løysinga, kjapp og enkel: Bukse med fot!

Så no skal små føtter også vere varme etter ei heil natts søvn:)

Mønster frå Ottobre 4/2011, str. 80.

Sydd av deilig mjuk interlock av bambus og økologisk bomull.

Då var jobben gjort ein gong for alle! ...håpar eg...

2011-08-24T10:30:00.000+02:00

Bokbind til skulebøkene, sydd av bomullsjersey m/lycra frå Stoff & Stil. Så reknar eg optimistisk med at desse heldt i mange år....

Dagens linselus

2011-08-23T11:10:00.000+02:00

Med ungane attende i skule og barnehage var det svært så stille i huset når minstejenta sov luren sin. Endelig kunne eg ta bilete uten å bli forstyrra. Trudde eg...

Pusen har her funne seg godt til rette på størsteguten sin nye singlet, sydd av turkise retroringar kjøpt frå Tiljamiid.

Mønsteret er eit t-skjortemønster frå Ottobre, her utan erme. Str. 134.

Og vinnaren er...

2011-08-21T22:20:00.000+02:00

Lene - med bloggen The Knitting needle. Gratulerer!
Eg tar kontakt på e-post.

(For ordens skuld: Det var 18 kommentarar på innlegget, men to av desse ser ut til å komme frå samme person, derfor er utvalget frå 1 til 17 over...)

Du kan framleis vere med!

2011-08-21T12:11:00.000+02:00

Siste moglegheit i dag til å vere med i trekninga om eit fabelblå-plagg.

Utpå kvelden vert det trekning. Akkurat no ligg det an til å verte éin premie, er det meir enn 20 som vil vere med vert det 2 premiar osv...

Velourbuksene har vore populære denne våren/sommaren, mange av dei har eg ikkje fått tatt bilete av ein gong før dei har funne fram til nye eigarar. Her er eit lite knippe, to av dei er selde medan to framleis ligg i Eplabutikken min.

Er vinnarlukka på plass...?

2011-08-13T16:20:00.002+02:00

No kan du finne det ut!

Har du lyst på eit fabelblå-plagg heilt gratis? Skriv ein kommentar under dette innlegget, så er du med i trekninga av eit valfritt* plagg frå Eplabutikken min.

Dess fleire eg får kommentarar frå dess fleire premiar trekkjer eg - så invitér gjerne andre til å delta også!

Trekninga vert søndag 21. august.

*Valfridomen er dessverre noko innskrenka - vinnarane kan velgje eit plagg med verdi inntil kr. 200,-

Dinosaurar!

2011-08-11T10:33:00.000+02:00

Dinosaurmotivet vart ein favoritt hos fleire her i huset, så det vart t-skjorte og kortbukse til minstegut og lue til nestminstejenta. Litt sommar og litt haust altså, det er jo allereie august...

Stoff: "Jurassic", kjøpt frå Tiljamiid. Mørk brun interlock frå JNY til erme og kanting.

Eplabutikken min

2011-08-06T21:45:00.000+02:00

Dei siste dagane har eg lagt ut mykje nytt i eplabutikken min. I tillegg har eg redusert prisane på ein del av det som har lagt der ei stund.

Og snart vert det utlodning her i bloggen, med premiar frå eplabutikken. Følg med, følg med...!

Dagens forelskelser

2011-08-02T11:40:00.001+02:00

I dag er det eg som har fått velge ut produkt til framsida på Epla!

Eg har funne fram ei rekkje økologiske produkt, kanskje du også likar nokre av dei?

Leikepose

2011-07-30T18:45:00.001+02:00

Minsteguten - som faktisk ikkje er så veldig liten lengre - er her med og lagar pose til småleikane sine.

Konsentrasjonen på topp!

Ferdig! Framsida...

...og baksida. Med namn, sjølvsagt!

Enkelt og greit prosjekt, fin pose til oppbevaring av småleikar eller andre ting. No skal me i gong med å lage endå fleire!

(Dersom nokon ynskjer skildring av framgongsmåten så sei gjerne i frå!)

Endeleg soool!

2011-07-20T09:04:00.000+02:00

Me har vore så heldige å endeleg få litt sol, sånn innimellom regnbygene i alle fall:)

Eg hadde ein halvferdig solhatt liggande, dermed gjekk det raskt å få den ferdig. Før sola forsvann...

I same slengen vart det nokre fleire, dei finn du i Epla-butikken min.

Stoff:

Litt kraftig bomullstoff bestilt frå ein amerikansk nettbutikk eg ikkje lengre hugsar namnet på. Skulle ønske eg hadde mykje meir, men dette var siste rest...

Innsida er i lilla bomull med lys lilla prikkar (frå Textart), og kan brukast som utside òg. Vendbar hatt altså...

Mønster:

Frå Stoff & Stil, str. "baby".

Av skade vert ein klok...

2011-07-16T20:05:00.001+02:00

Kanskje eg endeleg har skjønt det; når du skal sy ei gåve og har lita tid - velg for all del noko du veit du får til! Har bomma litt der før kan ein seie....

Dermed plukka eg ut to mønster eg hadde prøvd før. Og eg vart ferdig i tide, gåvene er allereie pakka opp i eit sommarvarmt land langt borte - og godt mottekne har eg fått høyre:)

Skjørt:

Stoff: Babycord, div. bomullsstoff og blonde frå S&S.

Mønster: Insa skjørt (str. 98/104) frå boka "Sewing clothes kids love".

Kortbukse:

Stoff: Deilig, mjuk dongeri frå Textart. Applikasjon av turkis interlock frå JNY.

Mønster: Eige, ca str. 116.

Når ferie-søtbehovet melder seg: Oreo cupcakes!

2011-07-10T14:21:00.000+02:00

Baking vert ikkje noko fast innslag her på bloggen, men desse måtte eg berre tipse om. Litt tidkrevjande å lage trass i mange hjelpande små hender - eller kanskje nettopp derfor;)

Oppskrifta har eg funne på Trines matblogg.

Til ein vinterbaby

2011-06-23T22:01:00.000+02:00

Midtsommar her, men på jordas sørlege halvkule er det midt på vinteren... Eller vinter og vinter - men det kan iallefall verte kjøleg no og då der eigaren av denne buksa bur. Difor vart det mjuk og deilig velour, som lunar godt dei dagane gradestokken ikkje kryp altfor høgt.

Delane har lenge lagt ferdig utklipte og berre venta på at eg skulle mote meg opp til å prøve kantebandsapparatet igjen, dei siste gongane har me krangla litt. Eg skifta begge nålene i maskina, sånn for å vere på den sikre sida, og når eg først kom i gong med syinga gjekk det lett som ein lek!

Dermed vart dette eit skikkelig koseprosjekt der alt gjekk etter planen:) Kanskje eg til og med må lage ein større versjon av mønsteret slik at minstejenta her i huset også kan få seg ei slik...?

Stoff: Brent oransje stretchvelour frå S&S, kanta med mørk lilla interlock frå JNY. Stjerner av ein mørkelilla velourrest - Jofotex sin?

Trykknappar frå Snapsource, lilla str. 14.

Mønster: Eige, ca str. 62.

Ein favoritt...

2011-06-20T23:36:00.000+02:00

Fine til turbruk

Raud er ein flott farge, og dette er nok eit av mine favorittstoff; Raud stretchvelour med kvite skyer. Her som bukse til nestminstejenta, mjuk og god - og akkurat passe posete i beina.

Fine til sandkassebruk

Stoff: Velour med skyer, JNY design. Lime ribb frå S&S (ikkje synleg på bileta).

Mønster: Eige, ca str. 98.

Si dær - gramasin!

2011-06-14T11:52:00.001+02:00

Gravemaskiner er ganske skumle, men veldig spanande! Når me køyrer bil høyres det stadig glade utrop frå baksetet: "Si dær - gramasin!" (Oversatt: "Se der - gravemaskin!")

Ho måtte jo berre få seg ein gravemaskinkjole!

Først var ho riktignok ganske skeptisk til heile kjolen, gravemaskiner på nært hald er temmelig skumle, men den vart raskt ein favoritt likevel.

Stoff: Bakside av turkis velour med kjøretøy, kjøpt frå cethodesigns.no. Framside av nydelig, mørk lilla velour frå Jofotex. Kanta med mørk rosalilla interlock frå Stoff & Stil.

Mønster: Eige, str. 4 år, litt forkorta.

Tusen takk!

2011-06-06T12:30:00.000+02:00

Tusen takk til alle som kjøpte klede eller slo av ein prat! Takk for all skryt og fine ord!
Eg har hatt ei fin marknadshelg, dette var kjekt!

Marknadshelg

2011-06-03T11:40:00.000+02:00

Enno manglar dei siste saumane på 5 kjolar og 4 bukser... For ikkje å snakke om alt eg så gjerne skulle ha sydd, men ikkje har hatt tid til å byrje på ein gong!

Eg må hugse å setje merkelappar på alle kleda, men så er eg klar for torgdag i morgon og gatemarked på søndag.

Håpar på fint vêr og masse glade menneske! Og gledar meg til å sjå kor mykje fint dei andre salsbodane har:)

Ein liten smakebit på nokre av dei kjolane som faktisk er ferdige:

Liten hjelpar

2011-05-27T11:15:00.002+02:00

Omsider har eg innsett at det allereie er neste helg eg skal på marknad, og det ikkje mindre enn 2 ulike stader! Då er det om å gjere å snike seg til mest mogleg sytid innimellom eksamenslesing, jobb og familieliv. Det hender eg er så heldig å få hjelp av lynkjappe små hender både med innstillingane på maskina og til å stikke knappenåler rundtomkring...

Desse innstillingane hadde eg jo aldri tenkt på før....

Dei gir denne fantastisk flotte saumen, berre løkker...

Ser for meg at min litle hjelpar kan ha ei stor framtid innan innovativ saum. Om ho berre klarer å motstå lysten til å putte knappenålene inn i symaskina :D

Overrasking x 2

2011-05-19T09:39:00.002+02:00

På Voss ligg det ein liten, koseleg butikk med navn Tiljamiid, og der var eg så heldig å sleppe inn sjølv om det eigentleg var stengt den dagen. Takk for det, Therese!

Størsteguten var med, og han la straks sin elsk på stoffet med retroringar - t-skjorte og kortbukse ville han ha! Eg var mildt sagt overraska over valet, men sa sjølvsagt ja til det - eg må innrømme at eg alltid vert glad når ungane ynskjer seg heimesydde klede :)

Kortbuksa har han vore med å klippe og sy sjølve, før han kom fram til at han likte ikkje sååå godt å sy, så eg kunne få gjere den ferdig for han...

Stoff: Retroringer, kjøpt frå Tiljamiid. Orange ribb frå Stoff & Stil.

Mønster: Eige, opprinneleg fleece-/joggebuksemønster, str. ca 128. Opplegget nederst er etter Gekko sin metode.

Den andre overraskinga...? Hauststormen ute! Er det ikkje vår no...?

Økobomull!

2011-04-28T23:39:00.003+02:00

I det nydelige vårvêret kjendes det heilt naturleg å sy sommarkjolar, her er første ut av fleire påbegynte kjolar i økologisk bomull. Denne ligg førebels til salgs i Eplabutikken min, og vert den ikkje seld der skal den få vere med på marknad i sommar...

Str. 4 år, sydd av syrinlilla stretchfrotté og bomull med scootertrykk, begge er 100 % økologisk bomull frå Lin & Papir.

Prøving og feiling

2011-04-26T11:25:00.000+02:00

Endelig har eg funne ut kva framgongsmåte som fungerer best til å sy slike små pengepungar, så i påsken vart det ein liten stabel av slike. Her representert ved fire av dei. To andre forsvant fort over i små gutehender, dei hadde nemleg fotballmotiv på...

Sydd av bomullsstoff frå diverse stader, bl.a. Textart, Stoff & Stil og Panduro. Glidelåsar frå Stoff & Stil.

Vårluer!

2011-04-14T10:22:00.000+02:00

Vårens stabel med luer!
Nokre til eigne barn, mange til andre barn, dei siste skal få vere med på marknad seinare.

Sydd av diverse bomullsjersey kjøpt frå cethodesigns.no og Stoff & Stil.
Eige mønster.

Award

2011-04-07T10:30:00.004+02:00

Eg har vore så heldig å få en Liebster blog award fra Liten & stilig. Tusen takk!

Awarden skal gis vidare til 5 bloggarar med mindre enn 100 følgarar, og på den måten kan fleire oppdage alle dei flotte og inspirerande bloggane som finst! Eg har lyst til å gi denne awarden vidare til:

Landskap

2011-03-20T07:23:00.004+01:00

Det er faktisk ei stund sidan eg har fått bestillingar no, så dette var jo litt gøy. Bestillaren savna større utvalg av guteklede på epla.no, og ville gjerne ha eit sett i blå velour og landskapsmotiv.

Stoff: Blå velour og ribb frå Stoff & Stil, bomullsinterlock med landskapsmotiv frå Jofotex.

Mønster: Eige, str. 92, men er nok litt romsleg i størrelsen.

Lue i alpakka

2011-03-14T18:05:00.003+01:00

Som nevnt tidlegare har eg strikka lite dei siste åra. Dermed har eg gått glipp av mange "nye", spennande garntypar. Dette er dermed første gong eg strikkar med alpakkagarn, men heilt sikkert ikkje siste - utruleg mjukt og deilig garn!

Garn: Sandnes alpakka (100 % ren alpakka).

Mønster frå bladet "Maskor med stil Special: Mössor" med eigne tilpassingar for å passe til garntypen.

Dagens mysterium

2011-03-12T00:20:00.004+01:00

Når eg brukar ein kjole som passar størstejenta perfekt som mal til mønster, kordan kan då den ferdige kjolen verte aaaalt for liten for den samme jenta...?

Vinterferiesyssel

2011-03-03T11:31:00.002+01:00

Me treng ein tom mjølkekartong...

...kvar sin sjølvsagt, ellers kan utfordringa verte større enn kva godt er.

Så klipper me litt...

...og klipper litt til.

Tid for bretting (og stifting, og setje i trykknapp)...

...og tadaaaa!

To fix ferdige mjølkekartonglommebøker!

Har du lyst å lage ei sjølve finn du framgangsmåten hos Villmarkshjerte.

Og har du heller lyst å kjøpe ei så lagar Ingrid Riddervold mange flotte.

Timmy-tid!

2011-02-26T07:51:00.003+01:00

Timmy er ein av favorittane på barne-tv, difor vart det Timmy-kostyme til karneval i barnehagen. Eller, eigentleg kunne ho nok godt tenke seg å vere Handy Manny eller Spesialagent Oso, men mor var rett og slett for lat og gjekk for det enklaste ;-)

Lue i svart bomullsinterlock med lange Timmy-øyre, eige mønster.
Ermelaus kjole med sauehale i kvitt teddystoff, eige mønster.
Tynn genser i svart ullribb, mønster og stoff frå Stoff & Stil.
Svart strømpebukse.

I siste liten...

2011-02-15T22:50:00.001+01:00

...rett før me skulle gå ut døra vart siste saumen sydd, bilete teke og kjolen pakka inn. Fleire enn meg som har den utruleg lite sjarmerande eigenskapen å alltid vere ute i siste liten...?

Biletet er dermed ikkje særleg mykje å skryte av, kanskje bortsett frå dei to små søte hendene som strevar hardt med å la kjolen liggje i ro :-)

Dagen etterpå vart kjolen dekorert nederst i tett samarbeid med bursdagsbarnet. Men nye bilete vart det ikkje...

Kjolen er sydd i lilla velour og raud sky-jersey frå JNYdesign. Eige mønster, ca str. 10 år.

Joggebukser til gutta!

2011-02-13T22:00:00.000+01:00

Som nevnt tidlegare hadde minsteguten, som allereie byrjar bli ganske stor, lyst på bukser med flammar på. Desse vart godkjente med éin gong, til mors store glede :-) Flammeapplikasjonen har eg brukt ein gong før, og eg kjem sikkert til å bruke den fleire gongar...

Størsteguten har sykkeldilla, og har sykla ganske mange mil att og fram i det vesle tunet vårt sidan han lærte å sykle som treåring. Å hoppe og steile er absolutt det gøyaste, og i haust brukte han alle sine oppsparte midlar på ein raud BMX-sykkel.

Gliset gjekk nesten frå øyre til øyre då eg viste han BMX-syklisten som skulle pryde joggebuksa hans, og han har utålmodig venta på at buksa skulle verte ferdig...

Begge buksene er sydd av svart isoli frå Stoff & Stil. Applikasjonane er av raud og gul interlock frå JNYdesign.

Eige mønster, str. ca 6 år og ca 8 år.

Og som ein fin avslutning på helga: I dag òg var eg så heldig å komme med på framsida på epla.no, blant Anita/zndesign sine favorittar :-)

epla.no

2011-02-11T21:14:00.000+01:00

Internettilkoblinga mi tok seg ein, spør du meg, ganske så ufortjent ferie her om dagen. Kjekt då med fredagskveld, internett som virkar og at ein fabelblå-kjole er eit av produkta som prydar framsida til epla.no :-) Takk til gyllenlakk designteam!

Nr. 2

2011-02-07T20:38:00.003+01:00

Kjole nr. 2 av dei tidlegare nevnte ferdigutklippa, samme fasong som den svarte.

Denne har fleirfarga kontrastsaumar, eg såg litt for seint at det kanskje gir litt assosiasjonar til Janus ullundertøy...? Pyttsan, det står likevel i stil til regnbogefargane i hetta :-)

Lilla isoli frå Stoff & Stil, regnbogefarga interlock frå JNY Design.

Mønster: Eige, str. ca. 12 år.

Dagens gjestebloggar!

2011-02-06T14:58:00.004+01:00

Det vert nok ikkje daglegdags at det dukkar opp gjestebloggarar her, men størstejenta på 11 år har veldig lyst til å vise fram sitt splitter nye mobiletui. Her har ho gjort alt sjølve: laga mønster, klipt delar og sydd saman, kun med litt veiledning frå meg. Bileta har ho også redigert sjølve. Er ho ikkje flink?

Dette skriv Emma: "Ein dag då eg ikkje hadde noko å gjere på, foreslo mamma at eg kunne lage mobiletui. Det gjorde eg og. Og eg er skikkelig fornøyd med resultatet! Det ser faktisk ut som at mamma har lagd det! Det har strikk til å lukke med og ein krok til å henge det på litt forskjellige plasser..."

- ting tar tid...

2011-01-30T22:35:00.005+01:00

Eg klipte ferdig delar til mange plagg i same slengen slik at eg seinare kjapt kunne sy dei ferdige, men rart med det - ting tar som regel lenger tid enn eg trur...

Av fleire ferdigutklipte kjolar i str. 12 år er denne første ut til å verte ferdig.

Svart stretch chenille frå Stoff & Stil, turkis bomullsjersey med stjerner frå JNY Design.

Turkise trykknappar frå Snapsource.

Eige mønster, ca str. 12 år.

Hest er best!

2011-01-19T12:43:00.003+01:00

Jenta som skal få denne kjolen har lenge hatt stor interesse for hest, håpar ho likar hest på kjolen òg!

Materialer:

Fleece frå Stoff & Stil

Brunt/lysrosa bomullstoff frå Panduro

Mørk brun interlock frå JNY Design.

Brun glidelås i halsen.

Mønster:

Eige, str. 14 år.

Ein heil by på ryggen!

2011-01-07T19:22:00.004+01:00

Denne vesten passar fint til femåringen min. Men då han såg den utbraut han spotant: "Den vil ikkje eg ha!" Han vil nemlig mykje heller ha noko med flammar på slik som storebroren fekk, aller helst ei bukse...

Dermed havna denne vesten til salgs på Epla, i håp om at kanskje ein annan liten gut får glede av den.

Med kamelar på magen

2010-12-16T12:58:00.005+01:00

For eit par veker sidan laga eg mønster til denne heildrakta, litt ekstra romsleg sidan babyar veks så fort. No når den er ferdig er den snart for liten ;-)

Erma er klippa i samme stykke som for- eller bakstykke, og trykknappopninga framme går heilt ned til eine foten så det går an å skifte bleie utan å ta av heile drakta.

Baksida av drakta er heilt stripete, og under kvar fot har det gøymd seg ein kamel der òg...

Mønster: eige, ca str. 62.

Alle stoff frå Stoff & Stil.

Trykknappar frå Snapsource, turkis str. 14.

Slutt på latmannslivet for strikkepinnane!

2010-12-15T09:30:00.002+01:00

Då størstejenta var lita fekk ho ofte nye heimestrikka plagg, men seinare har det vorte mindre og mindre strikking her... Men no har ho fått seg ny lue, og kanskje må strikkepinnane jobbe meir også framover...?

Garn: Alfa frå SandnesGarn

Mønster frå SandnesGarn, men med eigen vri.

Eg vant!

2010-12-11T09:09:00.004+01:00

På bloggen til nettbutikken Lin & Papir er det fleire utlodningar no i desember, eg var så heldig å vinne dette settet!

(Bilete er lånt frå Lin & Papir.)

Ullbukser på rad og rekke

2010-12-03T13:26:00.003+01:00

Desse buksene er sydd av den deiligaste, mjukaste ullfrotté du kan tenkje deg. Dessverre har eg no brukt siste rest av dette flotte stoffet, og det ser ikkje ut til at det går an å bestille meir heller...

Buksene er no på veg til butikken "En gul knapp" i Skostredet i Bergen.

Dei fleste av buksene har fått ei rund lomme i bomullsinterlock på eine låret, nokre har påsydd pynteband rundt eine beinet. Det er strikk oppe og nede.

Ullfrotté frå Vogue fabrics.

Bomullsinterlock frå JNY design og Jofotex.

Pynteband frå Leanne.

Eige mønster, str 80 - 86 - 92.

Nytt familiemedlem :-)

2010-11-21T13:55:00.008+01:00

Endeleg var ventetida over! Og kva er vel betre enn å sitje i ro og fred og nyte synet av eit heilt nytt, lite menneske som søv i vogga...?

Sidan dette er ein sy-blogg må det sjølvsagt nemnast at bodyen er heimesydd.

Ullteppet som akkurat kan sjåast i nedre kanten på biletet strikka eg faktisk då eg venta på eldstejenta, det har vore flittig brukt av alle barna mine (mønster frå Dalegarn).

Meir flammar!

2010-11-16T12:53:00.004+01:00

...og flammar og fleece går som kjent ikkje særleg godt i lag.... Dermed føler eg for å skulde på flammeapplikasjonen for at eg klarte det kunststykket å lage smeltemerke med strykejarnet i fleecen.... Klassisk nybyrjartabbe...

Denne fleecejakken var eigentleg tenkt som ei gåve, men den spaserte dermed fint inn i klesskåpet til størsteguten. Som var godt nøgd med dét :)

Mønster frå Ottobre 4/10.
Stoff frå Stoff og Stil.

Hus til brillene!

2010-11-07T13:56:00.005+01:00

Brillene mine trengte ein stad å bu, sidan dei sjelden bur på nasa mi...
Avlangt etui med klemmelås øverst.
Nokre små skjønnhetsfeil vart det denne gongen, men så veit eg i alle fall kordan eg ikkje skal gjere det neste gong...

Utside: Brunt bomullsstoff frå Textart.
Innside: Lyseblått bomullsstoff frå Polarquilt.
I mellom: Platevatt.
Klemmelås frå Ellens butikk.
Mønster: Eige.

Utprøving av ny luemodell!

2010-11-03T20:23:00.006+01:00

Hyppige hauststormar viser behovet for varmare hovudplagg. Dette er luer med bomullsutside og fleece innside.

Dessverre vart begge luene litt knappe til mottakarane, kanskje eg må gjere eit nytt forsøk....

Bomullsjersey frå JNY design kjøpt frå Cetho Designs. Polarfleece og microfleece frå Stoff & Stil.

Eige mønster.

Epla-forelskelse :-)

2010-11-02T22:22:00.003+01:00

Alltid like gøy å bli valgt ut! Fabelblå-skjørt øverst til venstre :-)

I fyr og flamme!

2010-10-20T11:39:00.005+02:00

Sidan storeguten framleis vert begeistra for heimesydde plagg må eg jo nytte sjansen til å sy nokre litt tøffe plagg. Så vert det kanskje kult med heimesydd i framtida óg...?

Denne velourjakken likte han i alle fall svært så godt, og den passa perfekt sjølv om eg sydde i ein størrelse større enn han pleier bruke.
Framme er den heilt einsfarga svart, med svart, grov glidelås. Flammane på ryggen er av gul og oransje stretchvelour.

Mønster frå Ottobre 4/10.

Stoff frå Stoff og Stil.

Lite fantasi...?

2010-10-17T11:42:00.009+02:00

Skulle nesten tru eg hadde for få idéar til kva eg skulle sy... Det stemmer ikkje heilt, men no vart det endå nokre babyluer, denne gong i økologisk bomull.

Desse vert sannsynlegvis med i ein leveranse til "En gul knapp" i Bergen.

Men no skal eg ta fatt på noko heilt anna enn babyklede!

Babyluer

2010-10-09T23:42:00.002+02:00

Eigentleg trengte eg berre å sy éi, men det vart litt fleire i same slengen... Og i to ulike storleikar.

Sånt vert ein i godt humør av :-)

2010-10-07T16:00:00.002+02:00

Dette settet la eg for ut for sal på epla.no midt på dagen i dag - og det er allereie seld! Og når i tillegg sola kikkar fram etter ei rekkje våte dager så er ein jo berre nøydd til å verte i godt humør :-)

Bodyar og velourbukser

2010-10-05T18:19:00.003+02:00

To ulike bodyar med tilhøyrande raude bukser.

Buksemodellen er eg spesielt nøgd med, buksa passar akkurat over ei lita bleierumpe, men har litt posete bein. Mjuk og behageleg å gå med for ein liten knott.

Bodyar: Landskapsinterlock frå Jofotex, kaniner frå JNY design. Kanta med raud interlock frå JNY design. Eige mønster, str. 80 og 92.

Bukser: Raud stretchvelour frå Stoff og Stil. Eige mønster, str. 80 og 92

Tripp trapp tresko

2010-09-26T10:38:00.002+02:00

Tidlegare i september var eg ein liten tur til Tønsberg. Der ramla eg over ein ikkje så veldig stor stoffbutikk som hadde eit ganske bra utvalg av frotté og velour, deriblant akkurat den brunfargen eg ønska meg!
To ulike kvalitetar frotté vart kjøpt, ein bomullsfrotté og ein viskose/polyesterfrotté, den sistnemnde utruleg mjuk og deilig. Og varm, litt som eit fleecestoff.
Skuffelsen var dermed stor då den nuppa ganske mykje allereie i første vask......

Uansett; det vart ei god og varm barnehagebukse til minstejenta i huset av den nuppete frottéen. Bomullsfrottéen ser ikkje ut til å bli nuppete, desse to buksene er no til salgs på epla.no

Mønsteret til buksene har eg laga sjølve, dei har litt posete bein som er samla med ein strikk nederst. Strikk i livet. Str. 80 - 86 - 92.

Bomullsfrotté og viskose/polyesterfrotté frå Syskrinet(?) i Tønsberg.

Dagens forelskelse på Epla!

2010-09-23T19:37:00.002+02:00

Jada, eg er berre ein av mange. Det var andre i går, og kjem nok nye i morgon. Men litt stas er det likevel å få ein av bodyane eg har sydd lista som dagens forelskelse på Epla.no :-)

Kvifor stoppe etter berre éin...

2010-09-14T21:20:00.007+02:00

...tenkte eg, og dermed vart fleire pengepungar sydd.

Dei to minste her er endå mindre enn den med uglene, medan den største er nesten som ein liten sminkepung.

Alle desse har eg lagt ut for sal på Epla.no medan eg tenkjer på om eg skal behalde den eine sjølve...

Ei bittelita gåve....

2010-09-12T13:38:00.005+02:00

... til ei veldig god venninne som står på reisefot/flyttefot og difor kanskje ikke hadde vorte så glad for å få ein diger lysestake eller nytt kaffiservise til bursdagen.

Difor altså ein liten pengepung. Uheldigvis den første eg nokon gong har sydd, så den har litt av det me kan kalle skjønnheitsfeil. I alle fall fant eg ut litt av kva eg må gjere annleis neste gong.

Ugler frå textart.no, orange blomstrar og svart fôr frå S&S.

Babytepper

2010-09-06T11:03:00.003+02:00

Etter at eg har sydd ein del bodyar i det siste kjentes det veldig naturleg å gå vidare til babytepper.... Fine å bruke til vognteppe eller til å tulle inn ein bitteliten baby i. Eller rett og slett som koseteppe til litt større born.

Desse har éi side bomullsinterlock og éi side stretchvelour.

Stoff frå Jofotex og Stoff og Stil, kanta med einsfarga interlock frå JNY Design.

Body og bukse

2010-09-01T21:15:00.003+02:00

Eit mjukt og deilig sett i str. 86.

Body i limegrøne flodhestar frå Jofotex, kanta med cerise interlock frå JNY design. Eige mønster.

Bukse i cerise stretchvelour. Eige mønster.

Same procedure....

2010-08-30T20:40:00.005+02:00

Ikkje så mykje å skrive om dette skjørtet, eigentleg er det heilt likt som det rosa eg sydde. Berre annan farge, så klart ;)

Stoff frå Stoff og Stil

Økologisk caps

2010-08-24T15:18:00.007+02:00

Denne vart sydd i byrjinga av sommaren, men har vorte liggande her på syrommet og ikkje havna i bloggen.
Grunnen er rett og slett skuffelse. Skuffelse over at den fine capsen eg sydde til vesleguten vart for liten! Vesleguten er rett og slett byrja bli stor....

No når sommaren er over har eg klart å svelge skuffelsen ;-)

Difor legg eg no denne hatten til salgs på Epla.no, slik at nokon andre kan få nytte av den. Kanskje til neste sommar...?

Hatten er sydd i 100 % økologisk bomull, og er vendbar.

Passar fint til eit hovud med omkrins 50 - 52 cm.

Prinsesseskjørt...?

2010-08-16T14:00:00.003+02:00

Rosa vart det i alle fall. Veldig rosa. Eigentleg litt rart sidan eg ikkje er spesielt glad i rosa... Men eg trur nok at mottakaren er ørlite grann meir glad i rosa enn meg, så då går det kanskje greit likevel ;-)

Str. 6 år
Mønster frå boka "Sewing clothes kids love"
Stoff frå Stoff og Stil, Panduro og Polarquilt, blonde frå Stoff og Stil.

Og fleire bodyar...

2010-08-11T21:50:00.003+02:00

Den største er etter same mønster som desse, ein smule justert også denne gongen så no syns eg passformen vart bra.

Den minste er frå eit helt nytt eigenteikna mønster, ca str. 56/62. Heile bodyen er klipt i eitt stykke + erme, så dei einaste innvendige saumane er der raglanerma er sydde fast til resten. Dermed er det liten sjans for gnagande saumar mot sart babyhud....

Minstejenta i huset har allereie tatt i bruk den største bodyen, den minste bodyen vert ikkje tatt i bruk før utpå hausten...

Jungel-interlock frå JNY design, raude trykknappar frå Snapsource.

Omsider: bodyar!

2010-08-06T12:49:00.004+02:00

Det var vel på tide at eg prøvde meg på bodyar eg òg. Men det var først no at behovet for fleire bodyar gjorde seg gjeldande.

Eg byrja så friskt med eit bodymønster frå Ottobre 3/10, men såg raskt at her måtte det forandringar til... Så her er det lagt til lange erme, vidare halsopning, samt at heile bodyen er gjort smalare. På neste utgåve vert også beinopningen gjort litt større, då er omsider fasongen akkurat som eg ville...

Lime flodhestar frå Jofotex, kanta med lilla interlock frå JNY design.

Kvit interlock med jordbær i fleire fargar, sannsynlegvis handla i ein amerikansk nettbutikk, kanta med raud interlock frå JNY design.

Jakke med plass til mage :)

2010-08-04T12:04:00.007+02:00

Sidan min favorittjakke for tida begynte å bli for trang over magen har eg rett og slett laga meg ein nesten-kopi, med plass for stooor mage.

Jakken er sydd i svart og turkis isoli frå Stoff & Stil, og har glidelås framme.

Den har spiss hette og trompet-erme, og utvendige turkise overlocksaumar.

Mønsteret har eg laga sjølve, men er delvis kopi av ein London-kjøpt jakke.

Den passar meg perfekt, noko som sjølvsagt var meininga, så eg trur nok det vert ei fleece-utgåve av denne også så eg heldt varmen utover hausten...

For fyste gong...

2010-08-02T14:44:00.003+02:00

... stod minstejenta heilt i ro når eg skulle ta bilete av ho! Vanlegvis er ho på febrilsk jakt etter kameraet med ein gong ho ser det, men no stod ho fint og venta til eg var ferdig å knipse...

Dette er hennar eksemplar av dei mange velourkjolane eg sydde tidlegare i sommar.

Knallraud kjole!

2010-07-31T13:25:00.003+02:00

Som nevnt tidlegare har størstejenta også fått seg kjole. Denne vart opprinneleg sydd til eit skodespel klassen hennar sette opp rett før sommarferien, der ho skulle ha heilt raude klede. I ettertid har den fått litt pynt i form av mørkebrune krusedull-applikasjonar.

Kjolen har spisshette med raudt- og brunstripete fôr, brune utanpåsaumar og brun glidelås i halsen.

Den er sydd i isoli frå Stoff og Stil.

Eige mønster, str. ca 152.

Sol- og vindlue...?

2010-07-20T17:40:00.004+02:00

Ikkje alle dagar med sol er like varme og vindstille, det kan difor vere greit med ei lue som både skuggar for sola og dekkjer øyrene.

Denne er sydd i lilla økologisk bomullstwill (kjøpt i London) og bomullsinterlock med sjiraffar frå Cethodesigns.no
Mønster er eige, inspirert av ei gamal, utsliten Cubuslue eg likte så godt fasongen på....

Og vinnaren er...

2010-07-14T13:21:00.008+02:00

Med i trekningen var heile 50 lodd, fordelt på 27 personar.

For å vere sikker på at trekningen gjekk rett for seg gav eg sjefsjobben til størstejenta. Reknar med at hennar innebygde jukse-alarm hadde hylt høgt om nokon hadde prøvd seg på noko tull og fanteri...

Trekkjer ein lapp...

...der står det Anna GL!

Sidan me er i ekstra godt humør i dag grunna det flotte vêret, og sidan det var ein gut til som gjerne ville trekkje lapp, så vert det rett og slett TO vinnarar i dag!

Og her står det frkreum!

Gratulerer!

No kan dykk bestemme dykk for kva for ein av kjolane som skal sendast avgarde til dykk!

Du kan vinne ein av desse kjolane!

2010-07-12T14:51:00.005+02:00

Å bu på Vestlandet om sommaren er eigentleg ganske spanande. Vert det nokre dagar med sol, eller vert det regn i år igjen...?

Vel, i år har det vorte ein del regn. Fordelen med det er jo at ein kan finne på trivelege ting å gjere inne - som å sy. Eg har brukt dei siste regnvêrsdagane til å sy velourkjolar - mange fleire enn me treng her i huset. Minstejenta har fått seg éin, størstejenta har fått seg ein kjole av ein heilt annan type, og gutane er underleg nok ikkje så interessert i kjolar...

Difor gir eg no vekk ein av desse kjolane, den som vinn kan sjølv få velge kva for ein det vert.

Det du må gjere for å få eit lodd i trekninga er:

- Skrive ein kommentar under innlegget.

- Vil du ha endå eit lodd kan du melde deg som følgjar av bloggen min (sjå på høgresida).

- Dersom du har ein eigen blogg, og linkar til min blogg frå den, får du ytterlegare eit lodd.

(For at eg skal klare å halde styr på kor mange lodd du skal ha bør du rett og slett skrive det i kommentaren under ;-))

Trekninga vert allereie på onsdag, sånn ca midt på dagen når minstejenta søv luren sin:-)

Litt om kjolane:

Ein heil enkel kjolemodell, som jungelkjolen i førre innlegget. Mjuk og deilig stretchvelour (80 % bomull, 20 % polyester) kanta med 100 % bomull.

Størrelsar 2 år, 4 år, 6 år (frå øverst til nederst på bilda under), men kan brukast som tunika oppover i alder.

Jungelkjole

2010-06-30T13:08:00.002+02:00

Heilt enkel kjole i herleg mjuk jungelvelour, kanta med gul interlock. (Begge kjøpt frå cethodesigns.no)

Kjolen er gitt i gåve til ein 3-åring som elskar kjolar, håpar ho likte denne òg!

Singoallakjole

2010-06-25T09:41:00.003+02:00

Eg måtte omsider prøve meg på ein singoallakjole eg òg. Denne er ei gåve til veslesystera til mottakaren av t-skjortene.

Sydd av deilig mjuk sommarfrotté og eit tynt, nestan gjennomsiktig bomullsstoff, begge kjøpt frå Sydilla.no.

Blekksprutskjorte

2010-06-24T13:07:00.004+02:00

T-skjorte i same modell som denne, men med ribb i halsen i staden for kanting. Begge desse skjortene har no reist av garde til sin nye eigar i eit land langt borte, håpar dei fell i smak.

Turkise bølger og stjerner frå JNY design, limegrøn ribb frå Stoff & Stil.
Applikasjonar i dobbelt lag stretchvelour.

På ønskelista akkurat no står symaskin som er god på applikasjonar, mi gode gamle Singer er ikkje glad i dette og jobbar helst i mot meg...

Jungelskjorte

2010-06-24T11:29:00.004+02:00

Enkel og grei t-skjorte i mjuk og god jungel-interlock frå JNY design, kanta med gul interlock frå same stad.

Skyeluer

2010-06-07T09:23:00.006+02:00

Luer til 3 kjekke jenter!
Sydd av det etterkvart så velkjente skyestoffet frå JNY design (norsk forhandler er Cethodesigns.no).

Babylue

2010-06-06T13:55:00.003+02:00

Denne lua vart sendt av garde for ei stund sidan, vonar den gjer nytta si og varmar små søte babyøyrer...

Sydd av økologisk bomull, kjøpt frå Cetho Designs AS. Str. ca 4-6 mnd.

Ein sprettande snegl!

2010-05-20T17:30:00.001+02:00

Ny gensar til minstejenta igjen!

Idéen til denne applikasjonen kjem frå ein god kollega; Dette er rett og slett symbolet for den eine avdelinga i barnehagen. Sjølvsagt er det på denne avdelinga minstejenta går.

Mønsteret eg har brukt er frå Stoff og Stil.

Turkise flodhestar frå Jofotex, lys rosa ribb og rosa velour frå Stoff og Stil.

Minstejenta er ikkje særlig glad i å stille opp framfor kamera, ho vil mykje heller ha tak i kameraet sjølve… Så her ser du ei ganske så fornærma jente som raskt pønskar ut ein passande hemn; Rote i oska i omnen!

Genser og skjørt til minstejenta

2010-04-24T16:25:00.004+02:00

Det er visst minstejenta som stikk av med dei fleste heimesydde kleda for tida...

Desse var ikkje tenkt som eit sett i utgangspunktet, men dei passar kanskje litt saman likevel...?

Genser i raud JNY skyvelour frå Cethodesigns.no. Applikasjon av velour-restar.

Vendbart skjørt i uglestoff fra Textart, babycord frå Stoff og Stil. Raud JNY skyjersey på den sida som her ikkje er synleg.

"En gul knapp"

2010-04-24T14:31:00.003+02:00

Eg er litt stolt over å kunne fortelje at butikken "En gul knapp" i Skostredet i Bergen har tatt inn nokre fabelblå-plagg for vidaresalg! (Her er link til nettbutikken.)

I første omgang vart luer i økologisk bomull samt vendbare bomullsskjørt sendt av garde, og så vonar eg sjølvsagt at kleda vert selde slik at eg får levere fleire klede!

Overall

2010-03-09T21:42:00.004+01:00

Dette settet skal av gårde til ei lita jente.

Overall i lilla stretchvelour frå JNY Design, str. ca 68.
Lue i økologisk bomullsjersey med lilla ugler frå Jofotex, str. 3-6 mnd.

Begge er kanta med mørk brun bomullsinterlock frå JNY Design.

(Alle stoffa innkjøpt frå CeTho Designs AS)

Raude trykknappar frå Snapsource.

Vårlue!

2010-02-27T12:43:00.006+01:00

Sjølv om snøen framleis ligg tjukk ute er det vel lov å byrje å tenkje på vår? Trass alt så er det jo snart mars...

Luer er så enkelt og greit å sy, og eg tenkte denne limegrønne økologiske bomullsjerseyen passa perfekt til vårlue.

Eige mønster.

Jofotex økologisk bomullsjersey frå CeTho Designs AS.

Vendbart skjørt

2010-02-12T13:03:00.002+01:00

Sidan eg prøver å lage klede som kan brukast ofte og mykje var no tida inne for å prøve å lage eit vendbart skjørt. Det passa då ekstra bra at Ottobre hadde eit slikt mønster i nr 4/09.

Men… eg endte opp med å ikkje følgje verken mønster eller framgangsmåten heilt som den var i Ottobre. Og det kan jo straffe seg – når eg etter å ha sydd saman alle delane skulle snu rettsida ut satt eg der med noko som mest likna ei pølse… I alle fall ikkje eit skjørt. Fram med saksa og prøv på nytt…!

Resultatet vart greit til slutt. Ei side jungel og ei side blomster, brune kantar. Str. 104 (3-4 år).

(Jungeljersey frå JNY Design, rosa blomstercord og brun babycord frå Stoff og Stil)

Blir aldri lei...

2010-02-10T21:02:00.006+01:00

... av denne flotte ulljerseyen. Så her er endå ei sparkebukse i str ca 62, denne gongen med lomme på magen.

Ulljersey frå Skaar tekstil.

Bomullsinterlock (skyer og mørk brun) frå JNY Design.

Men neste innlegg blir ikkje blått!

Enda meir blå ulljersey!

2010-01-31T13:40:00.005+01:00

Her har eg prøvd meg på overallen frå Ottobre 6/09, som eg har sett at mange ellers i bloggverda òg har gjort.

Eg droppa lommene som skulle vera på framsida, i staden vart det ein bil på ryggen. På framsida kan den opnast med "usynleg" glidelås.

Str. 62.

Blå ulljersey frå Skaar tekstil, mørk brun bomullsinterlock frå JNY.

Heildrakt i ull

2010-01-29T20:35:00.006+01:00

Første ut av fleire sparkebukser i str. 62.

På denne har eg prøvd å følge mønsteret frå "Alt om håndarbeide" 09/09, har berre lagt til ein applikasjon av ein traktor.

Traktoren er sydd på med raud tråd og har fått raude knappar i hjula.

Sparkebuksa er i 100 % ull, til og med traktoren er av ull :-)

Eit hjul er også plassert på den eine armen.

Brrrrrr...

2010-01-12T21:45:00.004+01:00

I det siste har det vore uvanleg kaldt til Vestlandet å vere, minusgrader i fleire veker samanhengande! Men når eg tenkjer etter så er det nokså deilig å sleppe unna regnet som vanlegvis plaskar ned dag ut og dag inn...

Når ein plutseleg har behov for varmare klede er det veldig greit å ha litt fleece liggande, enkelt og kjapt å sy i!

Denne tunikaen er til meg sjølve, sydd av petrolblå polarfleece (Stoff & Stil) og brun strikkblonde frå same stad. Den har fastsydd omslagsopning og litt vide 3/4 erme. Mønsteret er frå AoH 02/03, noko justert.

Siste blogginnlegg i år:-)

2009-12-30T13:47:00.005+01:00

Godt nyttår til alle som dett innom her!

Kjolen som får æra av å være sistemann ut vart eigentleg sydd som eit alternativ til kjolen i førre innlegget i tilfelle den ikkje traff blink. No vert den lagt ut for sal på www.epla.no

Denne er sydd av tjukk og god ullfilt og har detaljar i bomullsstoff. Og er altså i str. 2 år.

Blå ull

2009-12-22T21:27:00.002+01:00

Kjole igjen!

Str. 2 år denne òg, sydd på bestilling.