Selebukser

Kjekt mønster - gøy å sy. Og ekstra gøy at det går an å sy dobbelsidige selebukser - så kan dei brukast på begge  sider ☺️

Bloomsbury

 

 

Bloomsbury-genseren eg har strikka på i sommar er endeleg ferdig! Den er til meg, sjølv om det er eldstejenta som her har fått modelloppdraget.

 





 

 

Genseren har flott mønster som strekk seg oppetter heile ryggen og begge armane. Mønsteret kan ein kjøpe på ravelry.com. Det er på engelsk, ein liten utfordring sidan eg ikkje har nytta engelske strikkemønster tidlegare, men det gjekk mykje lettare enn eg trudde. I starten måtte eg lese mønster heile tida for å få det riktig, men etterkvart satt det i fingrane. Den er strikka ovanfrå og ned - heilt genialt for å kunne tilpasse størrelsen undervegs.

 

 

 

Mønster: Bloomsbury, kan kjøpast på ravelry.com.
Størrelse: M
Garn: Drops Big Merino, ca 535 gram (nesten 11 nøster).
Pinnestr.: 5,5 og 6 mm.

 

Amerikasinglet

Gåve til ein liten norskamerikanar, som riktignok ikkje er så liten lengre - så lenge er det sidan eg har sett han. 

Singleten som er på veg "over dammen" er i str. 134, og er sydd av deilig, mjuk økologisk bomullsjersey frå Nosh (kan kjøpast på www.fabelblaa.com). Den har eit påsydd scooter-bilete frå eit vevd stoff, og er etter mi meining akkurat passe tøff til ein 8-åring. Så håpar eg at mottakeren er einig!

Capsluer - testing, testing...

I fleire år har eg tenkt på å sy luer med brem, men ikkje tatt meg tid til å lage mønster. Endeleg - her er dei! Til stor glede for dei yngste jentene mine, som nærast har budd i luene dei siste par dagane. 

No skal dei vaskast, brukast meir, og vaskast igjen - og om bremmen består testen vert det fleire slike i Epla-butikken etter påske. 

Ha ei strålande påske!

Regnbogeskjørtet ingen ville ha

På ferie i Danmark for snart 7 år sidan kom eg over det flottaste ullgarnet eg nokon gong hadde sett: Kauni i regnbogefargar. Eit 250 g stort hespe vart med heimatt (saman med eit like stort hespe i svart/grått/lilla), og eg hadde store planar for kva for noko fint dette kunne bli.

Optimistisk byrja eg på eit skjørt til meg sjølv, men tenkte etterkvart at det kanskje vart litt vel fargerikt, og justerte størrelsen til å heller passe til størstejenta. Men strikkinga var ikkje førsteprioritet, og før det vart ferdig var størstejenta blitt så stor at ho ikkje var så glad i veldig fargerike klede lengre...

Så då skjørtet var ferdig strikka vart det snart passeleg til nestminstejenta. Det vart liggjande ei god stund i påvente av å få strikk i livet, så lengje at jenta plutsleg vart ei rosa-jente, og forkasta skjørtet utan eingong å prøve det...

Då måtte eg setje mi lit til minstejenta, og ho skuffa ikkje; "Det vil eg ha på i barnehagen i morgon!" sa ho før ho dansa bortover golvet med skjørtet på. Så endeleg fekk skjørtet ein eigar!

 

Ullgenser med motiv

Her har eg brukt kjolemønsteret Onion 2046 som utgangspunkt for å lage ullgenser til meg sjølv. Den er sydd i deilig ulljersey frå Janus sitt "Ull på rull"-utsalg, og pynta med ei øgle i svart, glitrande Heattransfer frå Stoff & Stil. 

Forresten så er "Ull på rull"-utsalget på Espeland i Arna så absolutt verdt eit besøk!

Endeleg!

Endeleg vart julebordskjolen ferdig! Ja, julebordet er sjølvsagt også ferdig - forlengst!

Kjole til meg sjølv, sydd av viskosejersey og blondestoff frå Stoff & Stil.

Mønster: Onion 2035.

Klar for vinter

 

Basic hjelmluer i 100 % ull.

Gratismønster frå Ottobre.

 

 

Siste vottepar frå 2013

Biletet vart knipsa i full fart før julegåveinnpakning, og viser ikkje fram det fine flettemønsteret særleg godt.

Mønsteret er dette, minus puddelkanten.

Skip o'hoi!

 

Det er kanskje ikkje ullvottar ein først og fremst forbind med segling, men i surt vestlandsvêr kan dei komme godt med likevel...

 

Her har eg strikka styrbord/babord-vottar til kapteinen på båten "i hagen" vår. Ikkje det at eg mistenkjer at han treng ei påminning om kva som er kva, men eg tenkte at eit maritimt motiv måtte passe fint til har som har lært meg alt det eg veit om båt.

 

 

Mønster: Ship o'hoi! votter frå Jorids mønsterbutikk

Størrelse: stor mannehand

Garn: Falk fra Dale Garn

 

 

 

 

 

 

Vottedesember

Eg har vottestrikkedilla for tida! Her er første votteblogginnlegg...

Har lenge tenkt på å strikke Bellavottar både til meg sjølv og eldstejenta, men når eg endeleg kom så langt så vart dei for små til oss begge...

Desse Bellavottane har såleis fått ny mottakar, dei passa fint på ei 10-årig jentehand. 

Vottane er strikka i koksgrå Alfa frå SandnesGarn, og i neste forsøk går eg opp ein pinnestørrelse i forhold til oppskrifta (som du forøvrig finn dersom du googlar Bellavotter).

Pysjamasjentene

Tøysejentene klarte å sjarmere mor til å få vere med å sy seg luer. Luene måtte sjølsagt vere på etter leggetid òg... 

Ytterstoff frå fabelblaa.com

Fleece frå S&S til fôr

Eige mønster

Hermegåsa

Ei god stund no har eg følgt strikkebloggen To vrange, og finn alle dei flotte strikkeplagga svært inspirerande. Faktisk så inspirerande at det var på tide med ørlite kopiering, og denne regnbogekjolen vart blinka ut som årets sommarferiestrikk.

Kauni-garn hadde eg, både i regnbogefargar og ein grå-lilla-svart variant, og sidan det grå-lilla-svarte hespet såg ut til å vere mest grått tenkte eg at det fekk duge som grunnfarge. Vel avgårde på ferie viste det seg at innslaget av svart og lilla var mykje større enn først antatt, men full av pågangsmot sette eg i gang. Å strikke oppefrå og nedover var ein ny, men artig erfaring for meg, og det kjem eg nok til å gjere fleire gongar.

Eg såg kjapt at denne utgåva vart noko meir kvardagsleg enn To vrange sin, og tenkte difor at den kanskje gjorde seg betre som gensar i staden for kjole. Etter at bolen var ferdig såg eg at det vart litt vel mange oransje striper, difor korta eg ned ganske mykje av regnbogetråden då eg strikka armane. Å ta opp igjen bolen for å gjere det same der var imidlertid lite aktuelt....

Gensaren vart faktisk ferdigstrikka i ferien, men vart liggjande ganske lenge etterpå i påvente av knapp på skuldra. Så medan eg har somla meg til å sy fast ein - 1 - knapp har òg kjappe To vrange strikka ein genservariant av regnbogekjolen - ja, i tillegg til mykje anna flott!

Pulsvarmarar

 

 

Då vi hadde eit lengre opphald i Spania for eit par år sidan kom eg over ein flott garnbutikk med godt utvalg, og eg måtte sjølvsagt kjøpe med meg nokre nøster av - for meg - nytt og spanande garn. Garn som er kjøpt utan å ha ein plan vert gjerne liggande ei stund, og når eg gjerne berre kjøper 1 - 2 nøster av kvar type er det litt begrensa kva det kan brukast til.

Då eg kom over dette pulsvarmar-mønsteret frå SPØT fekk eg endeleg eit prosjekt til dette utruleg mjuke, lilla ullgarnet. Det er nok litt tynnare enn mønsteret er rekna for, dermed la eg opp nokre ekstra masker og strikka ein repetisjon ekstra av mønsteret. Resultatet vart bra, og det er nesten så eg gler meg til kjølegare dagar. Berre nesten, altså...

 

 

Garn: Katia Merino baby

Mønster: Lange pulsvarmere fra SPØT

Barnehagekjole

Ein av fordelane med å jobbe i barnehage er at det går heilt fint å leike litt i klesvegen òg. Frå før har eg ein apekattkjole, no har eg fått meg ein bilkjole. 

 

 

Mønster: Onion 2035

Stoff: Biljersey frå ein dansk stoffbutikk, viskosejersey frå S&S

Kosefridag

På ein snartur innom Stoff & Stil for å kjøpe blå sytråd fant nestminstejenta ein rev! Stor stas sidan favorittlåta for tida er "The Fox", så reven måtte sjølvsagt få vere med heim.

 

Det går fint å løyse matematikkoppgåver med nysydd revelue på!


Stoff frå eigen nettbutikk
Symerke frå Stoff & Stil
Eige luemønster

Luepåfyll

Etter Bergen Bymarked var det nesten heilt tomt for vanlege luer i str. 1 - 2 år. Rart det der - det er så forskjellig kva som sel på marknad. Før har det stort sett vore firkantluene i str. 3 - 5 år det har gått mest av, men denne gangen var det altså desse.

Dei nysydde luene er å finne i Epla-butikken.

Bergen Bymarked

Akkurat no har eg stand på Bergen Bymarked. Markedet har mange ulike utstillarar og finn stad på Festplassen, midt i Bergen sentrum.

Mange koselege folk har allereie handla eller slått av ein prat, og markedet varer heilt til kl. 18 i kveld - så det er berre til å stikke innom om du er i nærleiken:)

Edit: her vart det visst litt krøll i publiseringa - det var slettes ikkje torsdag det var marked, men i dag lørdag 7. september...

Sommarskjørt

 

 

Eg sydde fleire av desse skjørta før eg var med på den lokale torgdagen tidlegare i sommar, og selde om lag halvparten av dei. Etterpå var minstejenta svært så nøgd då ho fekk velje akkurat det ho ville av dei som var att - og ville helst ha dette rosa med ugler på.

 

 

 

Desse skjørta er fine både når ein vil pynte seg litt, eller berre vere kvardagsfin.

  Skjørtet er òg testa til klatring, og vart godkjent av minstejenta.

 

 

 

 

Dei skjørta eg har igjen ligg i Epla-butikken min og ventar på nye eigarar.

Og jada - sommarskjørta kan sjølvsagt også brukast andre årstider:)

 

 

Ferieboble

Fint å vere i ei ferieboble. Fint å ikkje ha på vekkerklokke. Fint å spele fotball på grasplenen eller blåse såpebobler ein sommerkveld. Fint at gutane framleis ynskjer seg klede sydd av mamma.

Kortbukser sydd av stoffet "Sixties" frå eigen nettbutikk, ein raud versjon og ein blå. 

Eige mønster.