Endeleg!

Endeleg vart julebordskjolen ferdig! Ja, julebordet er sjølvsagt også ferdig - forlengst!

Kjole til meg sjølv, sydd av viskosejersey og blondestoff frå Stoff & Stil.

Mønster: Onion 2035.

Barnehagekjole

Ein av fordelane med å jobbe i barnehage er at det går heilt fint å leike litt i klesvegen òg. Frå før har eg ein apekattkjole, no har eg fått meg ein bilkjole. 

 

 

Mønster: Onion 2035

Stoff: Biljersey frå ein dansk stoffbutikk, viskosejersey frå S&S

Hokus...pokus...kjole!

Dette trur eg må vere verdas enklaste kjole å sy!

Kjolen består av 4 delar stoff som vert sydd saman med kun ein saum.

Overdelen kan knytast rundt overkroppen på utallige måtar, så her kan ein oppnå følelsen av "ny" kjole kvar gong ein tar den på.

Kjolen var tiltenkt meg, men eldstejenta følte seg så heime i den då me tok bildene at ho kjapt kom med eit ynskje om å få adoptere den. Me får sjå kven som trekk det lengste strået etterkvart...

 

 

Denne kjolen er sydd i polyesterjersey. Det har fint fall til kjole, og raknar ikkje sjølv om kantane er rå. Det er også eit pluss at det er eit rimeleg stoff; denne kjolen har stoff frå restebordet til Stoff & Stil, og kom på kr. 29,90 totalt...

Har du lyst til å sy ein sjølv finn du mange skildringar av framgangsmåten dersom du googlar infinity dress.

Apekattkjole

 

 

 

 

"Fem små apekattar hoppa opp og ned

den eine datt ned, og slo seg på kne'

Mamma ringte doktoren og doktoren sa:

-Ikkje meira hopping i senga i dag!"

 

 

 

Ullkjole med bringebær

Med vinteren på hell var det på tide å sy litt i ull;) Til meg sjølv denne gongen.

Kjolen er sydd av svart ulljersey frå Stoff & Stil og eit stykke bringebærjersey frå min eigen nettbutikk.
Ulljerseyen fant eg på restebordet til S&S for fleire år sidan. Stoffstykket var stort, men hadde fleire små hól rundtomkring, eg var difor litt skeptisk til å bruke dette stoffet til noko i det heile. Eg sydde imidlertid ein liten gensar til eit karnevalskostyme for eit par år sidan, denne gensaren har seinare vore nytta som ullundertøy både av den gongens Timmy og av veslesystera, og sidan gensaren framleis er like heil tok eg no sjansen på å bruke resten av stoffstykket.
Bringebærjerseyen er ein tjukk og god jersey der mønsteret er strikka inn i stoffet (og no er det heile 50% rabatt på denne i nettbutikken min!). Her har eg lagt trådretninga på tvers på akkurat dette sidestykket, og det ser ut til å fungere fint.

Mønsteret er eit av Onion sine nye, 2046, og var kjapt og enkelt å sy. Kjolen har flott passform, men det kan virke som om mønsteret er ein smule stort i størrelsen. Dette mønsteret kjem eg heilt klart til å bruke fleire gongar, ein ny favoritt!

Prinsesser for ein dag!

Heile 42 meter stoff gjekk med til desse brudepikekjolane. Litt av eit prosjekt med andre ord, og mykje meir arbeid enn eg trudde då eg sa ja til oppdraget. Men synet av desse flotte prinsessene var verdt såpass :)

Stoff:

Naturkvit brudesateng

Mørk rosa microsateng

Naturkvitt blondestoff (stretch)

Fôr: Brudetyll og polyesterfôr

Alt frå Stoff & Stil

Mønster:

Laga ut frå eit bilete funne på nettet, med støtte i mønster på brude- og brudepikekjolar frå Alt om Håndarbeide 05/08.

Winter wonderland

Man tager det man haver:
Kamera: Mobiltelefonen
Fotograf: Eldstejenta
Modell: Meg
Location: (Den vesle flekken som kunne vore grasplen dersom ikkje nokon med gravemaskin gav etter for fristelsen til å grave litt. Men dette vert jo effektivt skjult av snøen sjølvsagt, dermed kan me kalle det) Hagen vår

Då nysnøen låg kvit og fin var det tid for ein liten photoshoot i snøen, denne gong med meg som modell og eldstejenta som fotograf.

Kjolen er sydd for vinterbruk, og har god plass til både dobbelt lag ullundertøy og velourkjole under. Ermeribbane er ekstra lange og kan trekkjast godt ned over ei kald hand.

Dette er mitt bidrag til sy-utfordringen "Winter wonderland".
Den er sydd i brun polarfleece og ribb frå S&S, samt bomullsstoff i brunt/turkis frå Panduro.

Dagens forelskelser

I dag er det eg som har fått velge ut produkt til framsida på Epla!

Eg har funne fram ei rekkje økologiske produkt, kanskje du også likar nokre av dei?

Si dær - gramasin!

Gravemaskiner er ganske skumle, men veldig spanande! Når me køyrer bil høyres det stadig glade utrop frå baksetet: "Si dær - gramasin!" (Oversatt: "Se der - gravemaskin!")

Ho måtte jo berre få seg ein gravemaskinkjole!

Først var ho riktignok ganske skeptisk til heile kjolen, gravemaskiner på nært hald er temmelig skumle, men den vart raskt ein favoritt likevel.

Stoff: Bakside av turkis velour med kjøretøy, kjøpt frå cethodesigns.no. Framside av nydelig, mørk lilla velour frå Jofotex. Kanta med mørk rosalilla interlock frå Stoff & Stil.

Mønster: Eige, str. 4 år, litt forkorta.

Marknadshelg

Enno manglar dei siste saumane på 5 kjolar og 4 bukser... For ikkje å snakke om alt eg så gjerne skulle ha sydd, men ikkje har hatt tid til å byrje på ein gong!

Eg må hugse å setje merkelappar på alle kleda, men så er eg klar for torgdag i morgon og gatemarked på søndag.

Håpar på fint vêr og masse glade menneske! Og gledar meg til å sjå kor mykje fint dei andre salsbodane har:)

Ein liten smakebit på nokre av dei kjolane som faktisk er ferdige:

Økobomull!

I det nydelige vårvêret kjendes det heilt naturleg å sy sommarkjolar, her er første ut av fleire påbegynte kjolar i økologisk bomull. Denne ligg førebels til salgs i Eplabutikken min, og vert den ikkje seld der skal den få vere med på marknad i sommar...

Str. 4 år, sydd av syrinlilla stretchfrotté og bomull med scootertrykk, begge er 100 % økologisk bomull frå Lin & Papir.

Dagens mysterium

Når eg brukar ein kjole som passar størstejenta perfekt som mal til mønster, kordan kan då den ferdige kjolen verte aaaalt for liten for den samme jenta...?

I siste liten...

...rett før me skulle gå ut døra vart siste saumen sydd, bilete teke og kjolen pakka inn. Fleire enn meg som har den utruleg lite sjarmerande eigenskapen å alltid vere ute i siste liten...?

Biletet er dermed ikkje særleg mykje å skryte av, kanskje bortsett frå dei to små søte hendene som strevar hardt med å la kjolen liggje i ro :-)

Dagen etterpå vart kjolen dekorert nederst i tett samarbeid med bursdagsbarnet. Men nye bilete vart det ikkje...

Kjolen er sydd i lilla velour og raud sky-jersey frå JNYdesign. Eige mønster, ca str. 10 år.

epla.no

Internettilkoblinga mi tok seg ein, spør du meg, ganske så ufortjent ferie her om dagen. Kjekt då med fredagskveld, internett som virkar og at ein fabelblå-kjole er eit av produkta som prydar framsida til epla.no :-) Takk til gyllenlakk designteam!

Nr. 2

Kjole nr. 2 av dei tidlegare nevnte ferdigutklippa, samme fasong som den svarte.

Denne har fleirfarga kontrastsaumar, eg såg litt for seint at det kanskje gir litt assosiasjonar til Janus ullundertøy...? Pyttsan, det står likevel i stil til regnbogefargane i hetta :-)

Lilla isoli frå Stoff & Stil, regnbogefarga interlock frå JNY Design.

Mønster: Eige, str. ca. 12 år.

- ting tar tid...

Eg klipte ferdig delar til mange plagg i same slengen slik at eg seinare kjapt kunne sy dei ferdige, men rart med det - ting tar som regel lenger tid enn eg trur...

Av fleire ferdigutklipte kjolar i str. 12 år er denne første ut til å verte ferdig.

Svart stretch chenille frå Stoff & Stil, turkis bomullsjersey med stjerner frå JNY Design.

Turkise trykknappar frå Snapsource.

Eige mønster, ca str. 12 år.

Hest er best!

Jenta som skal få denne kjolen har lenge hatt stor interesse for hest, håpar ho likar hest på kjolen òg!

Materialer:

Fleece frå Stoff & Stil

Brunt/lysrosa bomullstoff frå Panduro

Mørk brun interlock frå JNY Design.

Brun glidelås i halsen.

Mønster:

Eige, str. 14 år.

For fyste gong...

... stod minstejenta heilt i ro når eg skulle ta bilete av ho! Vanlegvis er ho på febrilsk jakt etter kameraet med ein gong ho ser det, men no stod ho fint og venta til eg var ferdig å knipse...

Dette er hennar eksemplar av dei mange velourkjolane eg sydde tidlegare i sommar.

Knallraud kjole!

Som nevnt tidlegare har størstejenta også fått seg kjole. Denne vart opprinneleg sydd til eit skodespel klassen hennar sette opp rett før sommarferien, der ho skulle ha heilt raude klede. I ettertid har den fått litt pynt i form av mørkebrune krusedull-applikasjonar.

Kjolen har spisshette med raudt- og brunstripete fôr, brune utanpåsaumar og brun glidelås i halsen.

Den er sydd i isoli frå Stoff og Stil.

Eige mønster, str. ca 152.

Du kan vinne ein av desse kjolane!

Å bu på Vestlandet om sommaren er eigentleg ganske spanande. Vert det nokre dagar med sol, eller vert det regn i år igjen...?

Vel, i år har det vorte ein del regn. Fordelen med det er jo at ein kan finne på trivelege ting å gjere inne - som å sy. Eg har brukt dei siste regnvêrsdagane til å sy velourkjolar - mange fleire enn me treng her i huset. Minstejenta har fått seg éin, størstejenta har fått seg ein kjole av ein heilt annan type, og gutane er underleg nok ikkje så interessert i kjolar...

Difor gir eg no vekk ein av desse kjolane, den som vinn kan sjølv få velge kva for ein det vert.

Det du må gjere for å få eit lodd i trekninga er:

- Skrive ein kommentar under innlegget.

- Vil du ha endå eit lodd kan du melde deg som følgjar av bloggen min (sjå på høgresida).

- Dersom du har ein eigen blogg, og linkar til min blogg frå den, får du ytterlegare eit lodd.

(For at eg skal klare å halde styr på kor mange lodd du skal ha bør du rett og slett skrive det i kommentaren under ;-))

Trekninga vert allereie på onsdag, sånn ca midt på dagen når minstejenta søv luren sin:-)

Litt om kjolane:

Ein heil enkel kjolemodell, som jungelkjolen i førre innlegget. Mjuk og deilig stretchvelour (80 % bomull, 20 % polyester) kanta med 100 % bomull.

Størrelsar 2 år, 4 år, 6 år (frå øverst til nederst på bilda under), men kan brukast som tunika oppover i alder.