Amerikasinglet

Gåve til ein liten norskamerikanar, som riktignok ikkje er så liten lengre - så lenge er det sidan eg har sett han. 

Singleten som er på veg "over dammen" er i str. 134, og er sydd av deilig, mjuk økologisk bomullsjersey frå Nosh (kan kjøpast på www.fabelblaa.com). Den har eit påsydd scooter-bilete frå eit vevd stoff, og er etter mi meining akkurat passe tøff til ein 8-åring. Så håpar eg at mottakeren er einig!

"Brrrmm...!"

Eit turkis sommarsett til ein liten sjarmør som måtte vente lenge... Kjenner eg han rett seier han "brrrmm.." når han får på t-skjorta!



Bilstoff og koksgrå ribb frå Stoff & Stil.
Turkis jersey frå JNY.
Polkastripet jersey frå Liandlo/fabelblaa.com.

Dagens linselus

Med ungane attende i skule og barnehage var det svært så stille i huset når minstejenta sov luren sin. Endelig kunne eg ta bilete uten å bli forstyrra. Trudde eg...

Pusen har her funne seg godt til rette på størsteguten sin nye singlet, sydd av turkise retroringar kjøpt frå Tiljamiid.

Mønsteret er eit t-skjortemønster frå Ottobre, her utan erme. Str. 134.

Dinosaurar!

Dinosaurmotivet vart ein favoritt hos fleire her i huset, så det vart t-skjorte og kortbukse til minstegut og lue til nestminstejenta. Litt sommar og litt haust altså, det er jo allereie august...

Stoff: "Jurassic", kjøpt frå Tiljamiid. Mørk brun interlock frå JNY til erme og kanting.

Blekksprutskjorte

T-skjorte i same modell som denne, men med ribb i halsen i staden for kanting. Begge desse skjortene har no reist av garde til sin nye eigar i eit land langt borte, håpar dei fell i smak.

Turkise bølger og stjerner frå JNY design, limegrøn ribb frå Stoff & Stil.
Applikasjonar i dobbelt lag stretchvelour.

På ønskelista akkurat no står symaskin som er god på applikasjonar, mi gode gamle Singer er ikkje glad i dette og jobbar helst i mot meg...

Jungelskjorte

Enkel og grei t-skjorte i mjuk og god jungel-interlock frå JNY design, kanta med gul interlock frå same stad.